CCOO amenaza con una fuelga na sanidá asturiana

El sindicatu CCOO denunció la situación del sistema sanitariu n'Asturies y dio anuncia de que va entamar una fuelga masiva en pasando'l branu en casu de nun iguase los fallos graves que-y abulta a la organización que se dan na sanidá asturiana.

Al paecer de CCOO d'Asturies, el sistema sanitariu del país pue quedar estragáu al nun tar preparáu pa soportar la demanda real que se ta plantegando n'atención sanitaria. La perda de calidá del sistema de salú de la comunidá autónoma, espeyada nes xornaes escesives que se denuncia que pasen profesionales y refuerzos, dase amás, al paecer de CCOO, énte la pasividá de los xestores, que nun tan abiertos a una negociación real. Acordies cola denuncia del sindicalista José Antonio Carnero, los profesionales del SESPA tan a piques de perder el control nos sos puestos y el sistema sanitariu ta "fundiendo" ello mientres dende la dirección namás se fai qu'escuchar les quexes emitiendo dempués declaraciones de voluntaes que nun suponen compromisos reales pa la meyora de la sanidá asturiana.