Caxastur presenta’l primer catálogu razonáu del pintor Carreño Miranda

La Obra Social y Cultural de Caxastur presentó ayeri'l primer catálogu razonáu del pintor asturianu del barrocu Juan Carreño Miranda, un llibru qu'analiza la vida y obra d'esti importante pintor del sieglu XVII. El llibru, escrito por Pilar López Vizcaíno y Angel Mario Carreño, supón la primera investigación que se fai sobre esti artista asturianu.

El director de la Obra Social y Cultural de Caxastur, José Vega, presentó xunto colos autores de la obra, un trabayu que definió como "el más completu análisis de la pintura y el dibuxu del artista como de la biografía de Carreño y les sos rellaciones familiares".
Dende que nel 1985, cuando, con motivu del tercer aniversariu de la muerte del artista, el Muséu de Belles Artes d'Asturies celebrare una esposición cola obra de Carreño y el Conceyu d'Avilés editare un llibru, la obradel pintor nunca se volviere a revisar. Agora, esti catálogu espeya obres inédites y da anuncia de los cuadros de Carreño que tán desapaecíos y de los que nun hai constancia gráfica. El trabayu de Carreño Miranda como dibuxante y la contestualización del autor dientro del tiempu que-y tocó vicir son tamién otros aspectos que se tuvieron en cuenta. Los autores del llibru comentaron que la obra, de 569 fueyes a tou color, tomó-yos más de 6 años de trabayu. El llibru tien un preciu de 60 euros y una tirada de 2.000 exemplares.