Carreño va enfrentase al lituanu Butvilas en semifinales del Tenis Playa de Lluanco

|
Feliciano López y Pavel Petrov XXXV Tornéu Tenis Playa de Lluanco

Tommy Robredo superó a Miguel Avendaño y va tener como rival siguiente a Feliciano López.

Volvió nueve años depués el tenis playa a Lluanco con un gran ambiente –escosáronse toles entraes pa tol tornéu– y bonos partíos. El gran favoritu, el xixonés Pablo Carreño, tuvo que sudar pa superar ayeri en cuartos de final al alicantín Gerard Planelles, al que derrotó por 6-4 y 6-4, y va xugar esta nueche'l segundu partíu de les semifinales contra'l lituanu Edas Butvilas, que venció a Marc López 6-4 y 7-6.

La primer semifinal, que van arrancar a les 22.30 hores coles cámares de Teledeporte, que va emitir los dos partíos en direuto, como testigues, enfrenta a Robredo, últimu ganador del Torneo Herrero Brigantina-Tenis Playa de Luanco Memorial Manolo Galé, con Feliciano López. El catalán superó al xugador d'ascendencia asturiana Avendaño por 6-4 y 6-3 y el toledanu al rusu Pavel Petrov por 6-1 y 6-1.

Na imaxe, un momentu del partíu ente Feliciano López y Petrov. Semeya propiedá del Torneo Tenis Playa de Luanco Memorial Manolo Galé.

Contador Estadistiques