Carmen Rúa llamenta la poca voluntá del PSOE en política llingüística

L'agrupación d'Izquierda Xunida de Xixón fizo ayeri una reunión pa valorar el pautu de gobiernu que tien esta fuerza política col PSOE nel gobiernu del conceyu. El balance foi positivu en llinies xenerales, sobremanera no tocante a política de vivienda y plan d'Ordenación Urbana, anque la conceyala Carmen Rúa punxo la nota negativa afirmando quela promoción de la llingua asturianes, una de les sos competencies, foi una de les llabores más difíciles que-y tocó llevar alantre.

La conceyala llamó l'atención sobre l'esfuerzu de la Oficina Municipal de la Llingua, que dixo que "fexo un llabor increible" nestos años "con una gran repercusión, sobremanera ente xente mozo, institutos y escueles". Contra esti esfuerzu, Rúa llamentó l'actitú de "poca voluntá" del PSOE y alvirtió que "tengo tol derechu del mundu a falar la llingua que quiera y l'alministración tien obligación d'atendeme y recibime documentación nesa llingua" en referencia a los problemes pa presentar escritos n'asturianu énte'l conceyu.