Cangas asegura l'abastecimientu d'agua pa los próximos trenta años

L'alcalde de Cangas del Narcea visitó ayeri les obres de
renovación y meyora de los sistemes d'abastecimientu, les más
importantes dende que fizo la rede actual en 1989.



Esta actuación, que tuvo un coste de 109.527 euros, garantiza'l
suministru d'agua a la villa pa los próximos trenta años,
solucionando d'esta manera los problemes en situaciones climátiques
estremas o énte emerxencies derivaes d'accidentes. Ello ye que con estes
obres el depósitu qu'alimenta d'agua a la villa va poder
abastecése directamente del ríu del Coutu cuando l'agua que vien
del ríu Yema nun seya suficiente.