Cabranes afita la Fiesta del Emigrante

Güei vienres, 27 d'agostu Cabranes celebra los actos del II Día del Emigrante cabranés. Nesta edición ye'l pueblu de Torazu, que tamién celebra les fiestes de la patrona, Nuestra Señora del Carmen, onde van facese los actos, qu'inclúin a les 8:30 un conciertu na Ilesia parroquial del Coru Manín de Llastres.

El Conceyu de Cabranes entamó nel añu 2003 cola celebración d'esti día col que se quier facer homenaxe y allegase a la realidá de la importante colonia d'emigrantes que tien el Conceyu Cabranes espardíos pel mundu, los más d'ellos n'Arxentina, México, Santo Domingo y Cuba.

El Conceyu quier tamién alcordanza de Manolo del Campo, emigrante asturianu n'Arxentina desapaecíu'l pasáu mes de mayu y que nel 2003 acudiere a los actos de Cabranes acompañando al Grupu Folclóricu "Pelayo" de la capital arxentina.