Cabanaquinta celebra’l so festival folclóricu y la feria d’artesanía

Esta fin de selmana, Cabanaquinta va tar de celebración. El sábadu va tener llugar el VI Festival Folclóricu, mentes que’l domingu va entamase la XIV Feria d’Artesanía, eventos qu’atrayen a muncha xente a la capital d’Ayer.

El grupu de baille Les Ayalgues d’Ayer entamen estes dos iniciatives que dan vida al pueblu a lo llargo de tol fin de selmana. L’actividá va principiar el sábadu col VI Festival Folclóricu de Cabanaquinta, qu’esti añu va contar cola participación del grupu de baille de l’Asociación Cultural La Madreña, de Posada (Llanera), y de los vigueses Airiños do Coto Grupo de Danzas, amás de Les Ayalgues d’Ayer. Les trés formaciones van facer un pasucais a les 18 hores, pa depués actuar nel polideportivu.

El domingu tendrá llugar la XIV Feria d’Artesanía, que va tar conformada por 45 puestinos onde va ser posible atopar artículos de cueru, vidru, cerámica o madera dende les 11 hores y hasta les 20 hores. L’animación del llugar va correr a cargu de la Banda Gaites Güestia y del grupu de baille Les Ayalgues d’Ayer, que van protagonizar un pasucais a les 12.30 hores.