Bruseles va obligar a los fabricantes d’automóviles a menguar les emisiones de CO2

La Comisión Europea presentó ayeri la so propuesta pa de mengua d'emisiones de CO2 de los coches nuevos que se vendan na UE. L'oxetivu de la comisión ye que nel añu 2012 los coches nuevos nun puean emitir más de 120 gramos de CO2 por kilómetru, lo que supón una rebaxa del 25% respective al nivel actual de 163 gramos.

L'oxetivu de la comision ye que los coches nun pasen de los 130 gramos por kilómetru, rebaxando la media d'emisiones hasta los 120 al traviés de midíes complementaries, como l'emplegu de biocarburantes o meyores na rodadura de les cubiertes y los sistemes d'aire acondicionáu pa meyorar la eficiencia enerxética de los vehículos n'tros 10 gramos por vehículu.

Los vezos de consumu de los europeos, que cada vegada merquen más vehículos y cada vegada de mayor cilindrada y potencia, tán faciendo que la UE s'alloñe de los sos oxetivos de rebaxa d'emisiones contaminantes, siendo que nel 2005 les emisiones del parque movil européu xubieron respective al añu anterior, dalgo que forzó a les autoridaes europees a forzar una normativa nueva que s'asoleya dempués de que'l grupu d'espertos de la ONU emitiere'l so esmolecedor informe de la selmana pasada sobre'l cambéu climáticu.

Vota y opina sobre esti tema en Conceyu Abiertu