Blues, monólogos y cine pal fin de selmana

El cine independiente marca dafechu l'axenda d'ociu pa esti fin de selmana
nel nuesu país. Y ye que dende'l xueves pasáu yá podemos
disfrutar de la edición númberu 45 del Festival Internacional de
Cine de Xixón, un eventu qu'axunta proyecciones del cine mas
vanguardista y alloñau de los circuitos comerciales. Toles proyecciones
y actividaes pueden consultase na web del festival. Asimesmo esti
sábadu, tamién en Xixón, podemos asitir al conciertu del
blues man de Chicago Zach Prather.
Va ser nel Nuevo Savoy a les 22:00 hores.



El mesmu día pero n'Uviéu, concretamente nel Teatru
Filarmónica a les 20:15 h , va ponese n'escena'l monologu
"Alonsomanía", a cargo de Carlos Alba "Cellero".
Nesi escenariu, pero'l domingu y a les 11:45 hores, llega otra cita
clásica, el XVI Concurso y Muestra de Folklore “Ciudad de
Oviedo”, qu'emprincipia a disputar la so fase previa. Mas actividaes pa
esti fin de selmana na nuesa
axenda d'ociu.