Bloque-UNA de Llangréu busca rexenerar la política del conceyu

La coalición Bloque por Asturies-Unidá Nacionalista Asturiana (UNA) de Llangréu presentó los diez apeutos xenerales nos que basa’l so programa eleutoral y polos que va trabayar na llexislatura próxima. La fomación nacionalista quier rexenarar el conceyu al travies de la izquierda, l’ecoloxismu, l’asturianismi y la defensa de los y les trabayadores.
 
“Dende Bloque por Asturies-UNA creemos que la falta de’idees y de propuestes de los partidos tradicionales ta llevándono a la crisis acual que ta viviéndose n’Asturies colos niveles de paru más altos que se rexistraren enxamás. Esta crisis supón un borrón na páxina reciente de la historia, lo que nos obliga a empezar una fueya en blanco nueva, onde nun se pueden escribir les mesmas fórmules caduques que nos llevaron a la situación na que nos alcontramos”, aseguren. Por eso, los llangreanos presentaron un decálogu resumen coles dies propuestes principales.
 
El primer puntu d’esti decálogu ye la creación d’un estatutu de participación ciudadana, “garante de tresperancia y honradez nel llabor municipal”, mentes que’l segundu refiérse a la construcción d’un hotel d’asociaciones nuevu. Bloque-UNA de Llangéu Tamién quieren poner en marcha inciatives pa xente mozo, la construcción d’un viveru d’empreses nel polígonu futuru de Modesta, la gratuidá de los servicios sociales y descuentos n’otros servicios pa la xente ensin trabayu, la recuperación del programa de servicios culturales en zones rurales, la puesta en marcha de programes d’ayuda a la población inmigrente, el desmantelamientu de la central llétrica d’Iberdrola en Lada, un plan de turismu pa la zona y la creación d’unes ordenances sobre l’asturianu.