Bernardo Fernández diz que nun s’entendió l’informe del Conseyu Consultivu

El presidente del Conseyu Consultivu d'Asturies y ex - vicepresidente del gobiernu autonómicu Bernardo Fernández retrucó ayeri na escuela de branu de La Granda a les reacciones contraries al informe del Conseyu Consultivu sobre la reforma del Estatutu d'Autonomía asturianu no tocante a la oficialidá del asturianu.

Bernardo Fernández aseguró que "pa retrucar xurídicamente a la cuestión de la oficialidá del asturianu ha tenese en cuenta lo que dicen otros sobre'l bable y sobre lo que ye esta llingua como vehículu de comunicación de los asturianos". Fernández, que participaba nel cursu de La Granda sobre los venti años d'España na UE, dixo que lleía con "interés y el respetu" toles crítiques que se dieron dende esos sectores pero llamentó qu'eses crítiques nun ficieren "una llectura más posada del dictamen" que dixo que "nun s'entendió bien" y que defendió en cuantes que "respuende a lo que s'entruga".

Ente les reacciones contraries al dictamen, que valoraba negativamente la posible oficialidá del asturianu, como yá analizó Asturies.com cuando tuvo accesu al documentu, destaca la de Ramón d'Andrés, máximu responsable de les polítiques de normalización del asturianu nel Gobiernu asturianu y qu'asoleyó esta tribuna contra lo que-y abultaba un dictamen "que nun contribuyía a nengún consensu"