Baiña celta güei vienres de nueche

O más bien, "Baiña + ó - celta" que ye'l nome d'esta nueche folk que se celebra güei de nueche vienres ventisiete.

A les 23:00 hores la música va entamar nesti conciertu cola actuación de la cantante de tonada Liliana Castañón, esta vegada ensin la banda cola que sacó'l so discu "Liliana Castañón Quartet". Dempués van venir los grupos coles actuaciones de "Cántara" colos sones del so últimu discu "Letía", el grupu cántabru "Cahornega" que gasta un folk acústicu averao a grupos asturianos como los sos compañeros d'escenariu esa nueche, "La Col.la Propinde", a la que diba tiempu que nun víemos peles nueches folk. P'acabar rock n'asturianu de la mano de "Los Berrones".