Avilés echa’l piesllu al so cursu de lliteratura n’asturianu

La Conceyalía de Cultura d'Avilés, al traviés de la Oficina de Política Llingüística d'Avilés -Estaya de la Llingua-, echa'l piesllu esti vienres cola celebración d'una mesa redonda nel Palaciu de Valdecarzana.

Col títulu "Lletra y música pal sieglu XXI", la mesa va entamar a les 19:00h y va contar cola presencia del director de Política Lingüística Ramón de Andrés, l'escritor en llingua asturiana, Xuan Bello, el cantante de Dixebra Xune Elipe y la directora del periódicu "Les Noticies", Beatriz R. Viado.

El cursu, qu'entamare'l mes de mayu y que tenía una duración de trenta hores, empobinábase a xente adulto con un conocimientu básicu d'asturianu. Les clases diéronse a mou de talleres prácticos por xente del mundu de la cultura asturiana, recoyendo dende la lliteratura oral hasta los principales xéneros lliterarios: narrativa, poesía y teatru.