Ataque al local del PSOE de Noreña

Dos persones atacaron ayeri contra la sé de la FSA-PSOE de Noreña, causando pequeños daños nel local.

Ayeri pela nueche dos persones atacaron contra la sé del Partíu Socialista Obreru Español na cai Padre Colunga de Noreña con cocteles molotov, causando pequeños daños que nun fueron a más gracies a un grupu de xente que taba nun pub de cerca desde onde que vieron lo que socedía, yendo darréu a apagar el fueu y avisar a les fuerces de seguridá. Los que cometieron l'ataque dexaron papeletes con conseñes nacionalistes y nes que s'acusaba a los partíos estatales de "facistes"

L'ataque contra la sé del PSOE de Noreña engorda una llista na qu'hasta agora l'últimu episodiu foi l'atentáu con bombes incendiaries que dañó les oficines del sindicatu Comisiones Obreres de Xixón la viéspora del 1 de mayu, nes que tamién apaecieron papeletes escrites n'asturianu, anque naquella ocasión con frases contra los sindicatos mayoritarios CCOO y UXT y contra la Federación d'Empresarios FADE. Enantes d'esto, el siete de setiembre de 2003, otros aparatos esplosivos dañaron les sedes del PSOE nel Infiestu, la del PP en Sotrondio y la d'Izquierda Xunida en Xixón, naquella ocasión coincidiendo cola viéspora de la fiesta del Día d'Asturies y repitiéndose l'apaición de papeletes con testos n'asturianu contra los partíos mayoritarios .