Asturies.com sigue medrando nes redes sociales y yá supera los 700 siguidores en Facebook

700 siguidores en Facebook y 500 en Twitter. Asturies.com continúa sumando amigos nes redes sociales nun procesu d’adaptación a los tiempos coincidiendo cola celebración del 15 aniversariu d’esti portal de noticies n’asturianu.
 
Al traviés d’estos dos perfiles, los nuesos usuarios van recibir informaciones destacaes sobre l’actualidá del país, con enllaces a Asturies.com p’afondar naquélles que sían del so interés. Tamién pueden facer usu de toles ferramientes qu’ufren les redes sociales, y comentar y compartir con otres persones les noticies publicaes na web.
 
Dende Asturies.com convidamos a tolos nuesos amigos y amigues usuarios de redes sociales a que se xunan a los nuesos perfiles cola intención de siguir medrando en númberu y calidá. D’igual forma, agradecemos a tolos nuesos siguidores en Facebook y Twitter el so sofitu nesti tiempu.