Asturies.com presenta una galería de semeyes de los actos del Día d'Asturies

Cientos d’asturianos y asturianes celebraron el Día de la Nación Asturiana acudiendo a los distintos actos entamaos esti día por coleutivos y formaciones polítiques. Asturies.com presenta un galería de semeyes de los mesmos.

La Llegra axuntó un bloque soberanista pela mañana n’Uviéu –que contó col sofitu de Darréu, Xunta Estudiantil Asturiana, Corriente Sindical d’Izquierda (CSI), Conceyu Abiertu y Andecha Astur– pa reivindicar nesta xornada festiva, mentes qu’a la mesma hora’l Partíu Asturianista (PAS) facía un homenaxe floral a Pelayo, “fundador del Estáu asturianu”, na so estatua llevantada en Xixón. L’actividá continuó con una xinta popular, xuegos y música na plaza’l Paragües nel primer casu, y una comida de xermandía nel segundu.

Tamién celebraron actividaes Izquierda Xunida en Cangues d’Onís y les candidatures de xunidá popular sofitaes por Podemos nel Muséu del Pueblu d’Asturies. La coalición contó cola presencia pa esta xornada del so coordinador federal, Cayo Lara, mentes que Teresa Rodríguez, vocera de Podemos Andalucía, y el politólogu Juan Carlos Monedero acudieron como convidaos a Xixón.

Pue ver les semeyes d’esta galería calcando equí.