Asturies.com, nel festival de Saint Chartier

Del 14 al 17 de xunetu celebróse na localidá francesa de Saint
Chartier, nel Pays de Berry, un festival mui especial, qu'espeya un modelu distintu, ya non
d'entender un acontecimientu musical sinón lo que ye talamente la música. Los meyores luthiers del continente aconceyen unos pocos díes nesti pueblu francés de poco más de 100 habitantes pa enseñar les sos creaciones y músicos tradicionales de toles procedencies, dende Escocia hasta Kirgizhistan o les Islles Mauricio, convierten el pueblu nuna "jam session" constante. Casi tolos años esti
festival tamién cuenta con una pequeña presencia asturiana, a la qu'Asturies.com acompañó esti añu pa presentar esti reportaxe sobre'l Festival de Saint Chartier 2005 y un pequeñu reportaxe fotográficu qu'ayude a facese una idea de la dimensión d''esti acontecimientu.