Asturies, segunda comunidá autónoma del Estáu con mayor tasa de muertes por violencia doméstico

Asturies foi nel añu 2006 la segunda comunidá autónoma con una mayor tasa de violencia doméstico y de xéneru en rellación a la so población tres d'Aragón, acordies colos datos del Informe Añal del Serviciu d'Inspección del Conseyu Xeneral del Poder Xudicial. Asturies rexistró nel pasáu añu cuatro de les 91 muertes por esta causa que se dieron en tol estáu y de les que 77 foron muyeres y cinco menores d'edá. El perfil mediu de la víctima aseméyase al d'otros años, y respuende al d'una muyer, mayor d'edá que nel momento d'ocurrir los fechos violentos tenía rellación o tuvierala nel pasáu col agresor por matrimoniu o echo rellación afectiva estable.

La secretaria de la Muyer de CC.OO. d'Asturies, Dolores González, calificó los datos de "tristes y mui decepcionantes" y declaró que "una sociedá que maltrata a les muyeres nun pue considerase nin sana nin xusta nin democrática".