Asturies peslló l’añu con 54.577 paraos

Ta acabante d'asoleyase la estadística del paru n'Asturies d'avientu del 2004, mes en que s'apuntaron a les llistes de demandantes d'emplegu 577 persones más que les qu'había un mes enantes. Con xubir el paru n'avientu, les baxaes d'otros meses permitieron qu'Asturies pesllare l'añu 2004 con menos paraos qu'el 2003, rexistrándose una baxa interañal de 659 persones (-1,19%). Con ello Asturies asela'l picu que tradicionalmente rexistra la llista del paru en temporada d'iviernu y que nel añu 2003 foi duru enforma pero nun iguala los rexistros del 2002, anque va haber qu'esperar hasta los meses de febreru o marzu, nos que se suelen rexistrar los datos más altos de paru, pa saber si'l mercáu llaboral d'Asturies ye a caltener esa tendencia a suavizar el paru estacional

Con too y con ello, los datos asturianos d'esti añu 2004 tan perbaxo de la media estatal. Ello ye que nel conxuntu del estáu, el desemplegu baxó nesti 2004 acabante pasar en 41.197 persones (-2,41%), colo qu'el total de desempleaos al acabar l'añu yera de 1.670.290 persones. Madrid, Cantabria y Aragón foron les comunidaes onde más baxó'l paru a lo llargo del 2004, mientres que Valencia y les Islles Canaries y Baleares rexistraron a lo llargo del 2004 una xuba del paru del 5,52%, el 2,76% y el 3,73% respectivamente

Más información na web del INEM