Asturies perdió 1.300 habitantes nel 2005

L'Institutu Nacional d'Estadística (INE) asoleyó ayeri los datos provisionales del padrón actualizaos a 1 de xineru del 2006. La estadística conseña qu'Asturies foi la única comunidá autónoma, xunto con Madrid, onde baxó'l númberu d'habitantes.

La perda d'habitantes d'Asturies, que foi de 1.300 persones, rescampla énte xuba poblacional del Estáu. España tien yá 44.395.300 habitantes y una comunidá estranxera que llega yá a los 3,88 millones de persones, el 8,7% de la población. Contra estos datos, Asturies allóñase claramente de cualquier media. Con 1.075.279 habitantes, Asturies nun contó col aporte de población inmigrante que tienen otros llugares pa entornar la crisis demográfica, como ocurrió nel 2004, cuando vinieron a Asturies cerca de 4.000 estranxeros que torgaron la yá tradicional perda de población d'Asturies. Nel 2005, la llegada d'otros 3.000 estranxeros nun foi a entornar la tendencia, quedando la población estranxera residente n'Asturies en 29.656 persones, el 2,8% del total.
Más información na web del INE