Asturies garra la representación de les comunidaes autónomes en Conseyu d’Agricultura y Pesca de la UE

El Gobiernu asturianu, al traviés de la Conseyería de Mediu Rural y Pesca, va exercer a lo llargo del primer semestre del añu, la representación autonómica en Conseyu d'Agricultura y Pesca de la Unión Europea, encargándose de los llabores de coordinación ente comunidaes autónomes del estáu, sigún informó'l Gobiernu asturianu.

La coordinación del Conseyu supón que la Conseyera de Mediu Rural y Pesca, Servanda García, tien d'acompañar a la Ministra d'Agricultura, Pesca y Alimentación a los Conseyos de Ministros d'Agricultura y Pesca que se desarrollen nesti periodu de tiempu. El Conseyu d'Agricultura y Pesca ye ún de los más antiguos de la Unión Europea y axunta en Bruseles, una vegada al mes por términu mediu, a los Ministros d'Agricultura de los países que formen parte de la Unión Europea y a los comisarios europeos responsables d'agricultura, desarrollu rural, pesca, asuntos marítimos, salú y protección de los consumidores. Nes sesiones d'abril, xunu y ochobre celebra conceyos estraordinarios en Luxemburgu nos que debate y aprueba llexislación sobre estos sectores.