Areces y Zapatero reúnense güei en Vilanova d'Ozcos

El presidente del gobiernu asturianu, Vicente Álvarez Areces, y el presidente del gobiernu español, Rodríguez Zapatero, van reunise guëi na Casa Conceyu de Vilanova d'Ozcos. El xefe del executivu asturianu va reunise con Zapatero depués de finalizar les sos vacaciones nes Canaries. Nun trescendió'l conteníu de los temes a tratar mas allá de "temes d'interés xeneral pal Principáu".

Esti alcuentru coincide coles vacaciones de Zapatero, que va tar cola so familia nel pueblu de Santa Ufemia, nos Ozcos, hasta'l día 30 d'agostu, xornada na que tien previsto volver a la Moncloa onde recibirá a los presidentes autonómicos nos primeros díes de setiembre.