Areces refuga’l debate identitariu n’Asturies

El presidente asturianu Vicente Álvarez Areces afirmó nuna entrevista que concedió'l pasáu vienres a la emisora Radio Llangréu que los debates sobre les denominaciones de les comunidaes autónomes nos estatutos d'autonomía nun lleven a nenyuri y que namás valen pa crear "problemes artificiales". Al rau de la polémica pol posible reconocimientu d'Andalucía como realidá nacional na so reforma estatutaria, el presidente del executivu asturianu aseguró que'l pueblu asturianu nun tien interés en "definiciones identitaries que lleven a confusión, porque son conceptos que n'Asturies nun-yos preocupen a los ciudadanos". Areces esplicó que l'Estatutu asturianu define l'autonomía como comunidá histórica que se siente parte integrante d'España y que ta a gustu nesa situación". Respective a la negativa del PP a participar nel procesu de reforma estatutaria, Areces llamentó que'l PP nun quiera participar nel procesu y aseguró que'l PP va vese obligáu a "rectificar" una posición que dixo que-y abultaba "insostenible énte los ciudadanos".