Areces entregó na Xunta Xeneral el Dictamen del Conseyu Consultivu sobre la reforma del estatutu

La reforma del Estatutu d'Autonomía d'Asturies entamó esti vienres la so tramitación na Xunta Xeneral cola entrega a la presidenta del parlamentu María Jesús Álvarez por parte del presidente Vicente Álvarez Areces del dictamen del Conseyu Consultivu. El presidente pidió-y al PP qu'asele y que participe nel debate parlamentariu lo mesmo que fai n'otres comunidaes autónomes. El presidente Areces pidió comparecer na Xunta pa entamar col debate, una comparecencia pala que tienen d'apautar fecha los órganos de gobiernu de la Xunta Xeneral. Anque'l tiempu cuerre y hai pocu marxe, nun se descarta que se faiga un periodu estrairdinariu de sesiones en xunetu, anque podría quedar pa en retomándose'l periodu de sesiones en setiembre. La presidenta de la Xunta Xeneral María Jesús Álvarez aseguró que "hai tiempu abondu pa rematar la reforma nesta llexislatura" .
Descargar equí'l testu íntegru del Dictamen del Conseyu Consultivu en PDF