Areces entama la ronda de contactos pa los presupuestos del 2008

El presidente del Principáu, Vicente Álvarez Areces, convocó ayeri a los representantesde los grupos parlamentarios asturianos pa intercambiar impresiones y analizar les llinies básiques del proyectu de Presupuestos Xenerales d'Asturies pal 2008, que va tener de ser aprobáu en Conseyu de Gobiernu a lo llargu del próximu mes de payares.


El representante del grupu parlamentariu d'Izquierda Unida, Jesús Iglesias, ta convocáu pal próximu martes, día 16 d'ochobre. El so homólogu nel Grupu Parlamentariu Popular, Ovidio Sánchez, va aconceyar col Presidente asturianu a la mesma hora del xueves 18. Esi mesmu día, Areces va recibir al Grupu Parlamentariu Socialista, según informaron fontes de Presidencia al traviés d'una nota de prensa.
Tolos conceyos van celebrase na sede de la Presidencia del Principáu y nos tres van tar también presentes el conseyeru d'Economía y Asuntos Europeos, Jaime Rabanal, y la directora xeneral de Presupuestos, Montserrat Bango. Estos conceyos respuenden al compromisu alquiríu pol xefe del Executivu asturianu nel Debate d'Orientación Política celebráu la selmana pasada na Xunta Xeneral.