Areces diz que l’AVE del Cantábricu "nun ye prioritariu"

El presidente asturianu Vicente álvarez Areces declaró ayeri en Xixón, dempués de conocese que'l Ministeriu de Fomentu tien allancaos tolos estudios sobre'l proyectu, que l'AVE del Cantábricu "nun ye prioritariu" ello con tar inxertu nel Plan Estratéxicu d'Infraestructures y Tresportes.



Areces dio estes declaraciones na rueda de prensa qu'ufiertaron elli y el Ministru d'Industria Joan Clos, tres de la so visita al puertu d'El Musel, onde'l titular d'Industria dio anuncia de la creación n'Asturies d'una instalación de captación de CO2. P'areces, la prioridá nesti intre ye acabar les infraestructures que tán en marcha, casu de l'ampliación del Puertu d'El Musel, la Variante de Payares, l'Autovía del Cantábricu, que dixo que va terminase nel 2009 o l'autovía La Espina-Ponferrada, de la qu'anunció que va llicitase'l proyectu del primer tramu. Areces quitó-y importancia al allancamientu del AVE y esplicó qu'Asturies recibe "la mayor inversión per cápital d'España".