Aprobada la toponimia de Llaviana

El Conseyu de Gobiernu del Principáu d'Asturies aprobó na so sesión d'ayeri miércoles el decretu pol que s'oficialicen los topónimos tradicionales del conceyu de de Llaviana, que fexo'l númberu 24 na llista de conceyos asturianos que recuperaron la so toponimia y qu'estrenó la presente llexislatura pal procesu de recuperación de los topónimos. Otros 27 espedientes d'otros tantos conceyos alcuéntrense en fase de tramitación. El decretu determina los topónimos oficiales del conceyu de Llaviana, que pasen a tener la consideración de denominaciones oficiales. Dende la entrada en vigor del decretu, les Alministraciones Públiques deberán adaptar de manera progresiva les rotulaciones en vía pública y carreteres de Llaviana amás de mapes y planos oficiales a les formes toponímiques apautaes en Decretu.