Aprebaos 7 bienes d'interés cultural

El Conseyu de Gobiernu del Principáu d'Asturies d'ayeri apautó la declaración de siete Bienes d'Interés Cultural nuevos. Los monumentos beneficiaos cola másima categoría de protección que permite la llei son la Ilesia de San Pedru de Plecín d'Alles en Peñamellera Alta, que data de 1.787, el Turruxón d'Andrín en Llanes, que ye d'últimos del sieglu XV, el Palaciu de Celles en Siero, del sieglu XVIIII, la Ilesia de Samartín de Lluiña en conceyu Cuideiru del XVIII,
y el Palaciu de la familia Omaña en Rozadiel.la (Tinéu) monumentu que data de 1649.

La Ponte de Cualloto, un monumentu de la edá media que nel sieglu XV foi l'escenariu de lallucha ente los Bernaldo de Quirós y los Valdés, tamién ye dende ayeri BIC. Pa rematar la llista de BIC's ta'l Palaciu de los Rodríguez de León, una construcción que tien aniciu nel sieglu XV
y que s'amplió nel sieglu XVII sofriendo l'últimu remocique hasta agora a últimos del XIX. Depués de pasar peles families de los Trelles, los Sierra y los Argüelles, la casona corverana quedó en 1976 en propiedá d'ENSIDESA.

Xunta estes declaraciones de BIC's, tamién s'aprebó l'entornu de protección de la Ilesia Santu Adrianu de Tuñón, fundada nel sieglu IX nel reinaú d'Alfonso III y que ye monumentu históricu-artísticu reconocíu dende l'añu 1931