Aprebada la TV asturiana con 20.000 firmes en contra

La Xunta Xeneral del Principáu sometió esta mañana a votación y dio de pasu la Llei sobre la TV autonómica, que va tener una estimación presupuestaria de 10,5 millones d'euros pa desarrollar la tv, la emisora de radio y el diariu electrónicu oficiales que contempla la llei. Mientres la presencia de la llingua asturiana nes emisiones sigue siendo una incógnita que tendrán de desvelar los 15 miembros del futuru conseyu d'alministración escoyíos pola Xunta Xeneral del Principáu, anque eso va ser pa la prósima llexislatura.

La Xunta Pola Defensa de la Llingua Asturiana, que convocó esti miércoles una concentración de protesta énte'l Palaciu de la cai Fruela, entregó na Xunta Xeneral les 20.000 firmes que pañó pidiendo una TV 100% n'asturianu, y miembros d'esta asociación tuvieron presentes na sesión de votación, a la que por contra nun asistieron los diputaos socialistes Aurora Rey Fernández y José Ángel Fernández Villa.