Andecha pide que se desanicien los símbolos franquistes d'Asturies

La organización nacionalista Andecha Astur diz que'l sesenta cabudañu de la lliberación de los campos de concentración alemanes ye un bon momentu pa retirar la simboloxía franquista de los edificios públicos d'Asturies

Con motivu de los homenaxes que tan dedicándose-yos a les víctimes de los campos de concentración en tol mundu y n'Asturies a los sesenta años de la cayida del réxime nazi, la organización pollítica Andecha astur defende que ye una bona oportunidá la que se presenta agora pa esborriar de los edificios oficiales del país tola simboloxía de la dictadura franquista, que collaboró activamente col réxime nazi, un réxime que, pela so parte, aidó de manera decisiva a que l'exércitu franquista consiguiere'l trunfu na Guerra Civil

Andecha Astur nun comunicáu de prensa diz que "considera un insultu a la memoria de les víctimes de dambos rexímenes cellebrar, per un llau, l'aniversariu de la lliberación de los campos de concentración nazis y, per otru, siguir calteniendo los símbolos de la dictadura franquista nes cais, places y edificios de los nuesos pueblos y ciudaes"