Andecha Astur va celebrar el 8 de setiembre con una manifestación n’Uviéu

Les formaciones polítiques del ámbitu nacionalista asturianu tan pesllando estos díes los sos actos pal 8 de Setiembre, día d'Asturies. El partíu políticu Andecha Astur va facer, como ye vezu, la so tradicional manifestación n'Uviéu, que va salir, un añu más, a les 13 hores de la estación de la Renfe de la capital asturiana, nesta ocasión baxo'l lema "ye hora de mirar por Asturies - llucha pola to nación".

Amás d'Andecha Astur, otres fuerces asturianistes yá tienen asoleyáu'l so programa d'actos pal 8 de setiembre. El Bloque por Asturies va llevar los sos actos a L.lena, onde va presentar al so candidatu a la presidencia d'Asturies, mientres qu'Izquierda Asturiana va facer otru tanto en Nava, conceyu nel que tamién se faen los actos oficiales del Gobiernu asturianu pa esi día.