Andecha Astur celebra los 70 años del Conseyu d'Asturies y Lleón

La formación política Andecha Astur va celebrar esti domingu 24 d'agostu los 70 años de la declaración de soberanía que fexere'l Conseyu Interprovincial d'Asturies y Lleón nel contestu de la Guerra Civil. La organización nacionalista afirma que "la fecha tien una enorme significancia na hestoria d'Asturies porque representa un tiempu nel que les y los trabayadores d'esti país decidieron que la so másima institución, el Conseyu d'Asturies y Lleón, asumiere plena soberanía política". Andecha Astur, que presentó una propuesta énte los gobiernos d'Asturies y Xixón, encamentándolos a que celebren esi día dalgún actu n'alcordanza de la declaración de soberanía, va celebrar pela so parte l'aniversariu de la declaración con una concentración na Plaza'l Parchís de Xixón, au s'asitiaba la sede del Conseyu d'Asturies y Lleón. Según esplica la organización, l'actu, que va facese a les 7 de la tarde, va rematar cola colocación d'una placa conmemorativa.