Andecha Astur celebra esti fin de selmana'l so "Día d'Andecha"

La organización nacionalista d'izquierda Andecha Astur celebra esti fin de selmana la continuación del so Conceyu Nacional, del que se celebró la primer xornada a últimos del pasáu mes d'abril. Nesti conceyu, la organización política tien d'escoyer la Xunta Executiva qu'ha dirixir la organización y a la persona que vaya ser candidata del partíu nes elecciones asturianes del 2007, ello dempués de que na primer sesión la organización política yá dexare aprobaes les llinies politiques nacional y de conceyos.

N'acabando la segunda xornada del Conceyu Nacional van entamar los actos del "día d'Andecha" xornada cola que la organización política conmemora la declaración de soberanía de la Xunta Xeneral el 25 mayu de 1808. La xornada va entamar a les 13:00 hores nel barriu del Nodo de Candás cola inauguración del "Llar d'Andecha" del llugar. Un actu políticu y una xinta popular van completar los actos d'esta celebración.