Andecha Astur afirma que "ye una vergoña qu'ún de cada cuatro neños pase fame"

"Ye una vergoña qu'ún de cada cuatro neños pase fame", afirma Andecha Astur. Según un informe d'UNICEF, un 26,7 por cientu de los rapacinos asturianos ta en riesgu de probitú.

Sonia Díaz, miembru de la Executiva d'Andecha Astur, considera qu'esta situación "ye la consecuencia de les polítiques socio-económiques del Estáu español n’Asturies, aplicaes cola complicidá d’un 'Principado' sumisu y sucursalista", polo que demanda soluciones dende'l propiu país pa iguar esta situación. "Tenemos qu’organizamos dende Asturies y como asturianos", sentencia. 'La infancia en Asturias 2015' ye'l nome del informe d'UNICEF qu'asoleya estos datos tan esmolecientes.