Añaes de xéneru nel Día de la Muyer

L'Institutu de la Muyer edita un discu d'añaes tradicionales, soníos arreyaos al papel de la muyer na vida social y familiar.

"Ea, Ea, Ea" ye una compilación de 10 añaes nel que amás de sentir namás la voz de muyeres, en cuantes que vamos escuchar tamién voces masculines como forma de frayar un convencionalismu musical con poco sentíu n'Asturies d'hoi en día, según espliquen dende l'Institutu Asturianu de la Muyer, que con esti discu quier "poder contribuyir a rescamplar que la construcción d' una sociedá realmente igualitaria necesita que'l valor de la igualdá s'amieste tamién a la esfera de les rellaciones personales, el repartu de les xeres doméstiques y la corresponsabilidá de madres y padres nel cuidáu de los neños y neñes".

En "Ea, ea, ea" vamos topar 10 pequeñes ayalgues del repertoriu tradicional asturianu interpretaes por músicos de gran calidá. Ello ye que topamos a músicos como Rebeca Velasco y Juanjo Abad punxeron la voz, Alejandro Lafuente na guitarra, Marco Martínez tamién cola guitarra, David Casillas col contrabaxu y Óscar Santos nel baxu. Toos ellos lleven alantre d'una forma elegante y innovadora cantares como "Tengo'l mio Xuan ena cama", "Agora non" o "Crióme mio madre".