Ana Vanessa Gutiérrez ganó la XIII edición del "Teodoro Cuesta"

"La danza de la yedra" ye'l poemariu col que la escritora Ana vanessa Gutiérrez ganó la XIII edición del prestixosu premiu de poesía "Teodoro Cuesta" qu'entrega'l Conceyu de Mieres. L'alcalde de Mieres, Luis María García, entregó personalmente'l premiu, que tien una dotación de 4.000 euros y el compromisu por parte del conceyu a espublizar la obra ganadora.

Ana Vanessa Gutiérrez, que con namás 23 años yá tien espublizáu'l poemariu "Onde seca l'agua" vien d'un tiempu p'acá afitándose como ún de los valores más mozos de la lliteratura n'asturianu, cosa que confirmó ayeri al amestar el so nome a la llista de ganadores del concursu de poesía más importante del calandariu, una llista na que tan, ente otros, Xuan Bello, Lourdes Álvarez, Martín López Vega o Xabiero Cayarga.