ACS quier mercar Isotrón

Una filial de la constructora ACS ta negociando la compra de la empresa xixonesa del grupu Babcok, Isotrón. La compañía d´ACS ye MAESSA, y tien munchu interés en facese cola propiedá d´Isotrón. ACS ye la constructora del presidente del Real Madrid, Florentino Fernández, y según delles informaciones ye la filial d´ACS la que tien más posibilidaes de facese cola xixonesa Isotrón. MAESSA ye una inxeniería de reciente creación cuyu trabayu va dirixíu a montaxes industriales.

Isotrón ye una de les poques empreses rentables del fracasáu grupu Babcock Borsing España. La empresa asturiana ye dedícase a la inxeniería rellacionada colos bienes d´equipu, con una perimportante esportación de los sos servicios a países llatinoamericanos, y la so plantilla angüaño ye de 72 persones. La series duldes alrodiu la viabilidá de la matriz del grupu empresarial da-y bien de problemes al futuru de la propia Isotrón. El casu ye que Duro Felguera tuvo a puntu de mercar Babcock Wilcox dempués del fracasu de la privatización d´esti grupu empresarial vascu pola SEPI. Pero al final la empresa asturiana de bienes d´equipu nun arriesgó nuna operación con una permala traza pola riestra de problemes que tien la compañía vasca. Agora la SEPI quier vender la empresa vasca por partes onde Isotrón quiciás seya la xoya de la corona.