8 finaos nun día nel que se caltién la tendencia descendente de positivos

|
Vacunación muyer mayor de 80 años

El númberu d'hospitalizaos tamién baxa.

L'alta tresmisión de xineru ta reflexándose nun aumentu de les muertes con COVID-19, 8 ayeri: 2 muyeres de 94 y 89 años, y 6 homes de 91, 78, 77, 74, 63 y 62. No que va d'andanciu yá se sumen 2.314 finaos.

Por contra, sigue la tendencia descendente de contaxos, detectándose na xornada 1.390 casos nuevos, cuando la media diaria de la selmana pasada quedó en 1.831. Les hospitalizaciones pasaron de 471 a 443, de los que 401 tán en planta, 21 menos, y 42 na UCI, 7 menos.

Na semeya, vacunación a una persona mayor de 80 años. Los datos reflexen que les persones d'esta edá que nun reciben les dosis tienen un riesgu de finar con COVID-19 20,9 mayor que los que sí lo fixeron, 12,4 más d'ingresar na UCI, 11 más de contaxase y 9,5 más de quedar hospitalizaos.

Contador Estadistiques