732 paraos mas nel mes d'agostu n'Asturies

El númberu de desempleaos rexistraos nes oficines de los Servicios
Públicos d'Empléu, al terminar el mes d'agostu, subió en
732 persones n'Asturies en relación col mes anterior, colo que'l
númberu de paraos ta en 45.643 persones, según los datos
facilitaos pol Ministeriu de Trabayu y Asuntos Sociales. Esti incrementu en 732
paraos supón un aumentu respecto al mes anterior d'un 1,63 por cientu.
Per sectores, subió enforma nel sector de servicios, con 757 paraos
más.

Sicasí, nel cómputu interanual, la cifra absoluta de 45.643
desempleaos supón un descensu de 3.494 persones sobre agostu del 2006,
un 7,11 por cientu, la mayor baxada nesa tasa nel Estáu. A nivel
estatal, el númberu de paraos rexistraos nes oficines d'Empléu
subió en 57.958 persones n'agostu, el 2,9 por cientu respecto a xunetu,
colo que la cifra total de desempleaos volvió a superar los dos
millones.Otro de los dartos facilitaos foi'l de la contratción. Asturies
rexistró nel mes d'agostu un total de 26.073 contrataciones, con un
descensu del 22,07% respecto al mes anterior (-7.384) y un aumentu del 2,37% en
relación al mesmu mes del 2006 (603 contratos).