2.527 paraos menos en mayu

Al acabar el mes de mayu, el númberu de paraos rexistraos nes
Oficines d'Emplegu del Principáu d'Asturies yera de 52.482 persones, lo
que supón respective al mes d'abril, una mengua relativa del -4,59 % y
absoluta de -2.527 persones en paro.

El datu nun ye tan bonu faciendo la interanual, y ye que respective al mesmu mes del añu 2.002 hai 183 paraos más (+0,35%).

El mes de mayu suel ser de los meyores pal emplegu n'Asturies, como demuestra que en mayu del 2002 se dieren -2.364 paraos
(-4,32 %).


Con estos númberos, la tasa de paro asítiase nel 12,43 %, siendo por xéneros la masculina del 7,79% y la femenina del 19,23%.
Xeográficamente, el paro baxa respective a abril, en 69 conceyos y xube en 7, mientres qu'hai dos conceyos que queden a pre.

Les baxaes del paro más curioses diéronse n'Uviéu con -520 parados (-5,34 %), Xixón con -305
(-1,87 %), Avilés -226 (-4,28 %), Llangréu -173 (-5,52 %) y Mieres -132
(-4,36 %).
Pa ver la estadística, enllazar col web del INEM