UNA considera humildante la sentencia del casu de Xurde Blanco

|

Faustino Zapico diz que la sentencia ye una humildación, “inoraa sentencies xurídiques de rangu superior, con tal d’impidir qu’un ciudadanu pueda usar l’asturianu”.

El voceru d’Unidá Nacionalista Asturiana solidarizóse con Xurde Blanco, tres conocer la sentencia del Xulgáu de lo Contencioso-Alministrativu nº 3 d'Uviéu, nel que niega’l derechu del demandante a usar l’asturianu.
 
Dende Unidá Nacionalista Asturiana considerase que “volvemos alcontranos con que los enemigos del asturianu nun conocen llindes, nin siquiera los xudiciales, pa parar lo que ye una realidá, que los más de les y los asturianos queremos usar l’asturianu nun país llibre, llonxe de la tutela de personaxes anclaos en prexuicios d’otres dómines”, declaro Faustino Zapico.
 
Pa finar, el voceru d’UNA amestó que “nesti casu hai que mirar tamién la reacción del Gobiernu asturianu, que casi s’allegra de la sentencia represora de derechos, lo que vien demostranos que mientres nun tengamos oficialidá y políticos d’otru tipu, va ser difícil avanzar na normalización llingüística del asturianu.”

Comentarios

Tranquilos, y a seguir trabayando, peor lo tuvieron otros, pola llucha de les llibertaes ciudadanes. Tamos faciéndolo too mui bien. Esi xuez ta nel fondu faciéndonos un favor, sentencies escontra del asturianu que nun les había nin cuando Franco, pasando hasta perriba del Tribunal Constitucional. Tamos dexándolos n'eviencia ante la sociedá. Dexai que sigan picando, qu'esta ye mui gorda....jajajajajajajajajajajajajajajaja, puru esperpentu y puru ridículu...¿y pa esto la transición española?, jajajajajajajajajajajajajajajaajajajajajajajajajajajajajajajajajajajaaaaaaaaa !!!!!

Gabis

Contador Estadistiques