Los blogueros escueyen la meyor páxina personal n'asturianu de 2009

Según señalen los organizadores del “Meyor Blogue n’asturianu 2009”, hasta agora un total de 22 blogues ya mandaron les sos votaciones y, de momentu, los votos tán bien repartíos ensin que nengún blogue encabece nidiamente la llista.L’últimu día pa votar ye’l 31 de xineru zarrándose la recepción de mails a les 24 hores. A partir d’ehí, en cuanto tea recopilada tola información, espublizaránse los resultaos de los blogues ganadores.

Cada blogue pue votar con cuatro, tres y dos puntos a los tres blogues que meyor conteníu tengan y con un puntu al blogue con meyor estética, imaxe o diseñu, que pue ser a ún de los anteriores pero enxamás al propiu blogue del votante.
 
Esta puntuación sumaráse al total pa esbillar el meyor blogue, pero dará llugar a una mención especial, esbillando tamién al blogue con meyor estética o diseñu.
 
En casu d’empate, ganará’l blogue que tea más actualizáu nel últimu añu (más entraes) y si asina siguiera l’empate, ganaría’l blogue más vieyu.
 
El meyor blogue ye elixíu ente la propia comunidá bloguera, mandando un corréu a votalmeyorblogue@gmail.com.