TPA emite tres especiales de Pieces pa resumir l’actividá cultural de 2009

La canal pública ta emitiendo esta selmana especiales de Pieces pa resumir l’actividá cultural n’Asturies en 2009. El programa, producíu por Ámbitu Audiovisual y presentáu por Ana Vanessa Gutiérrez, repasará la música, el cine o la lliteratura que se produxo n’Asturies nesti añu que ta a puntu de finar.

Van ser tres los “Pieces; Especial 2009”. El primeru emitióse ayeri llunes depués de la tercer edición de TPA-Noticias, y resumió demientres media hora l’actividá audiovisual nel país en 2009, amás de cuntar con una entrevista a Ismael González Arias sobre lo meyor de la música asturiana nesti añu y ufrir l’actuación d’Anabel Santiago.
 
El segundu especial emitiráse güei martes a les 00.45, mientres que’l segundu será mañana miércoles a la 00.15 de la nueche, poniendo fin al repás de la producción cultural asturiana nesti añu.