Relixón

Ensin querer cayer en dogmáticos, ye nidiu que la relixón d’una gran parte de la población d’Asturies ye’l católicismu, por eso-y dedicamos un apartáu específicu. La xerarquía católica del país nun suel tener muncho procuru cola llingua asturiana. Sicasí, dende’l Coleutivu “Manuel Fernández de Castro”, que toma’l nome del obispu que nel sieglu XIX tornó al asturianu l’Evanxeliu según San Matéu, vienen trabayando dende 1986 pol asturianu y la normalidá llingüística na Ilesia. El coleutivu fai tolos sábados una misa n'asturianu na parroquia de La Merced d’Uviéu. Sicasí, sacantes esti coleutivu, la xeranquía eclesiástica n’Asturies nun tien el mesmu enfotu llngüísticu.