La Real Sociedad niégase a xugar cola selección vasca por considerar l'alcuentru "folclóricu"

|

La selección vasca nun va xugar per segundu añu’l so tradicional partíu de Navidá. Si l’añu pasáu foi pola negativa de los xugadores a vistir la camiseta d’Euskadi, en llugar del tradicional Euskal Herria, esti añu ye’l plantón de la Real Sociedad, que diz que nun quier xugar daqué que se ta convirtiendo nuna fiesta navidiega con tastu folclóricu.

El partíu yá tenía fecha, 22 d’avientu, y Federación Vasca y xugadores alcordaren vistir la camiseta neutral d’Euskal Selekzioa, amás de comprometese a reivindicar la oficialidá del convináu vascu y convocar a xugadores de tolos territorios de fala vasca. Sicasí, pa los donostiarres nun ye abondo.

Aranburu, Labaka, Agirretxe, Ansotegi y Mikel González, xugadores de la Real, encabecen el “nucleu duru” que nun quier xugar l’alcuentru. Consideren que la Federación Vasca nun adopta midíes p’algamar la oficialidá de la selección. Agora, los clubs de base vascos quieren convencer a los xugadores pa celebrar el partíu.
 
En Vizcaya 140 de 156 equipos yá se sumaron a la protesta, n’Álava cuasi’l 100% y en Guipuzcoa, tovía en conversaciones, espérase una actitú asemeyada a la de les otres provincies de la CAV.

Contador Estadistiques