UPyD quier eliminar de la Constitución la protección y el respetu pola pluralidá llingüística
Payares 22, 2009 por D. Barreiro
Unión Progreso y Democracia (UPyD) quier que la Constitución española nun reconoza la protección y respetu a la pluralidá llingüística del Estáu, amás d’incluyir la llingua como elementu de non discriminación, equiparable al racismu. Asina lo aprobó nel so I Congresu, onde s’afitaron les llinies maestres de la so estratexa política y onde Rosa Díez foi reelixida como dirixente del partíu col 81% de los votos.
La organización escoyó nun definise nin d’esquierdes nin de dreches, anque na ponencia de Política Xeneral recuéyese que la nación española ye la única d’UPyD. El partíu niega, amás, el reconocimientu d’otres realidaes y sensibilidaes llingüístiques y nacionales que nun seyan la española, “renunciando a representar o promover entidaes de tipu territorial, románticu o mitolóxicu”, esclarien.
No que cinca a la política territorial, UPyD defínese como un partíu que quier una España federal “d’intensidá media y cooperativu” con competencia esclusiva pa “toes aquelles materies lligaes íntimamente a los entamos estructurales del sistema constitucional”. Per otru llau, quieren l'anulación del Cupu vascu, del réxime fiscal de Canaries, de los “privilexos nacionalistes” de Cataluña y del réxime foral navarru.
Comparte...
Enllaz permanente
- Conéctate o rexístrate pa inxertar comentarios
Comentarios
Que nun se definen?? nun fai
Payares 23, 2009 por Esguil azul, hai 2 años 10 selmanes
Id del comentariu689
Que nun se definen?? nun fai falta nenguna, despréndese bien de la so llínia política lo que ye esta xente: ultraNAZIonalistes españoles.
¿Dalguien cree qué ye
Payares 23, 2009 por Catalina, hai 2 años 10 selmanes
Id del comentariu688
¿Dalguien cree qué ye imposible nun ser más de ultradrecha que Democracia Nacional?Pues menos mal que nun se definen, porque si me apuren al llau d´ellos Democracia Nacional fai honor al nome, de mexar y nun echar gota.
PD:Rosina yes una resentida.
La estrema derecha
Payares 23, 2009 por xixoniegu, hai 2 años 10 selmanes
Id del comentariu687
Dios nos pille confesaos!!
Mete mieu esta xente... pola
Payares 22, 2009 por Belenos, hai 2 años 10 selmanes
Id del comentariu686
Mete mieu esta xente... pola pena capital, pol ataque a les llingües y cultures minorizaes, pola suspensión de les automies, lo prosimu que ye l'exercitu nes cais.Y n'Asturies van pol diputau, gracies a les politiques de la FSA.
Ai mamina!!! muncho temo que
Payares 22, 2009 por tomate, hai 2 años 10 selmanes
Id del comentariu685
Ai mamina!!! muncho temo que pa les próximes elleiciones saquen un diputáu n'Asturies.
Y nós con esti baturiciu alloriáu y suicida de partidinos nacionaliegos: aa, una, pas, pis, pos, ba, ab, bb, jklfde, etc. (avisu: esti caberu -etc- nun ye un partíu, o sí?) que nun vamos comer nin los mocos.