Skip to content
Entamu

Los representantes del PP de Mieres abandonen la comisión de Cultura pola presentación de dos espedientes n'asturianu

Setiembre 23, 2009 por E.P. / Redacción

Los representantes del Partido Popular de Mieres abandonaron esti miércoles la comisión informativa de Cultura ante la presentación per parte de la presidenta de la comisión, la edil Diana González, de dos espedientes n'asturianu, concretamente los relativos al premiu Teodoro Cuesta, de poesía, y a la entrega de premios del Memorial Silvino Argüelles.

   Según esplicó la edil popular Elías Álvarez al traviés d'un comunicáu de prensa, "tres solicitar la traducción" d'estos documentos "al idioma oficial na comunidá autónoma asturiana, l'español", y de que la repuesta d'esti pidimientu fuere negativa, los miembros del PP abandonaron la comisión "al alcontrase en clara indefensión".

   Pal conceyal, esta situación ye consecuencia de "nun entender los espedientes presentaos nun dialectu non oficial", polo que llamentó que "nun se tuviere la deferencia de meter el mesmu espediente n'español".

   Álvarez criticó'l "empecinamientu" per parte de la responsable de la comisión y denunció que nun s'aceptare la solicitú de "tener accesu a la información municipal que se diba aldericar nel idioma reconocíu nes instituciones asturianes".

   N'opinón del conceyal, el debate sobre la oficialidá del asturianu debe treslladase a la Xunta Xeneral del Principáu y dexó claro que "nun son formes el tratar de meter nel conceyu esti debate a calzador".

Comparte...                                
Enllaz permanente

Comentarios

Pues q'arranquen! menos

Setiembre 25, 2009 por Esguil azul, hai 49 selmanes 7 hores
Id del comentariu549

Pues q'arranquen! menos gochos pa comer en duernu!

Asina van mal.

Setiembre 24, 2009 por el xanu, hai 49 selmanes 17 hores
Id del comentariu546

Les cuenques ye un feudu torgáu dende siempre pa los populares. Con esta actitú namás que van consiguir afondar más nesi pozu del que nun son a salir. Allá los peperos de Mieres. La Izquierda Plural d'esi conceyu tien que tar frotando les manes ante la incompetencia de la derecha.

Si yo fuere enemigu del PP

Setiembre 26, 2009 por Gabis, hai 48 selmanes 6 díes
Id del comentariu553

Si yo fuere enemigu del PP nun se me figura alcontrar mayor metedura de pata pa dexalos en ridículu, supongo qu'esta anécdota habrá apuntase pa que seya recordada a lo llargo los decenios, pa ponela nos documentales y eses coses

Mal camín lleva'l PP en

Setiembre 24, 2009 por asturian, hai 49 selmanes 12 hores
Id del comentariu548

Mal camín lleva'l PP en Mieres del ídem.
¿Ye creyible de verdá que nun fueran a entendelos?

Artículo 3. 1. El castellano

Setiembre 23, 2009 por Belenos, hai 49 selmanes 1 día
Id del comentariu539

Artículo 3.
1. El castellano es la lengua española oficial del Estado. Todos los españoles tienen el deber de conocerla y el derecho a usarla.
2. Las demás lenguas españolas serán también oficiales en las respectivas Comunidades Autónomas de acuerdo con sus Estatutos.
3. La riqueza de las distintas modalidades lingüísticas de España es un patrimonio cultural que será objeto de especial respeto y protección.
 
¿ESPAÑA? NON GRACIES ¡PUXA ASTURIES DIXEBRÀ!
 

PP antiasturianos

Setiembre 23, 2009 por nordés, hai 49 selmanes 1 día
Id del comentariu538

Pal PP los espedientes deben dir en castellán y d'esta forma:
 
(encabezáu)
Mieras del Camino, año de nuestro señor 2009, LXX Aniversario de la Victoria:
 
(Testu en castellán).
 
(final)
Por Dios y Por España. Franco, presente¡ Jose Antonio, Presente¡ Arriba España¡ Viva Mieres¡
 
 

"Soy de Mieras soy de

Setiembre 23, 2009 por Gabis, hai 49 selmanes 1 día
Id del comentariu541

"Soy de Mieras soy de Mieras
soy de Mueras del Caminito
es que me le tengo de ir
que en los bables no le me de quiero ni oir ????????"
----Vamos ver, ¿esta xente quier gobernar Asturies?. "Es que me le voy porque me le tengo que ir que no me le entiendo al no ser oficial". Bueno, pues que marchen pero que nun vuelvan..."¿por qué me le llamais libro cuando ahora se me le llama publicación?¿es que los de los bables todo me les quereis cambiar?¿por qué me le mandais llamar manovalumen a lo que siempre les de llamamos fragonestas en  mi asturianito pueblecilllo?¡mande zagal!

"Es que es que como me les

Setiembre 23, 2009 por Gabis, hai 49 selmanes 1 día
Id del comentariu537

"Es que es que como me les son estos de lo del bable que pidieron que se los entendiera, todo el día en el Parque de San Juan presumiendo de ser concejalillo cultural y me le traen con flagrantes faltas de otrografía, la Santina es La Santilla ó Santita, o en su defectos A Santiña de nuestro gran Manuel, eso de Santina es que les es un producto dialectal de gentes analfabetas y no oficiales, seguro que encima se pinchan con las drojas que me le metieron en en Cola-Caos para aprobarles las toponimias esas que el eroskis me le de íbamos a llamar "El rosques"  y yo me ofendo porque en el asturiano de verdaz me le llamábamos el Sumer, ¿por qué ay qe le llamamar aroskis a lo que siempre llamamos el sumer?¡es un diptongo artificial en el bable de Mieres, no tía, jopé yá!.