Convocáu'l IV Concursu de Microrrelatos "Lliteratura comprimida"

El Serviciu de Mocedá de la Comarca de la Sidra ta acabante d'abrir el plazu de recepción d'escritos pal "IV Concursu de microrrelatos 2009-Lliteratura comprimida". Una convocatoria que quier premia con 600 euros un relatu d'hasta 200 palabres, n'asturianu o en castellanu. El concursu ta empobináu a persones con menos de 35 años y pueden unviase hasta'l 30 de setiembre un máximu de dos relatos.

Les bases y la tramitación completa del concursu (formulariu d'inscripción, unvíu, etc.) realícense al traviés d'internet na web www.comarcajoven.com