El Gobiernu asturianu anuncia un parque etnográficu pal conceyu de Quirós

"El Presidente asturianu Vicente Álvarez Areces dio anuncia ayeri del entamu de delles inversiones en conceyu de Quirós por un importe de 8 millones d'euros. El principal d'estos proyectos va ser el ""Parque etnográficu de Quirós"" que va suponer una inversión de 3,5 millones d'euros y que'l xefe del executivu asturianu quier que tea funcionando nel añu 2009"". Anguaño Quirós cuenta con un pequeñu meséu etnográficu asitiáu na capital del conceyu, mientres que les instalaciones del parque nuevu van centralizase en La Fábrica, alredor de les muries de los antiguos fornos altos siderúrxicos del conceyu, que funcionaron na década de 1870.

Acompañáu pol Alcalde de Quirós, Agustín Farpón, la Conseyera de Cultura, Ana Rosa Migoya y la Conseyera de Vivienda y Bienestar Social, Laura González, Areces definió'l proyectu del parque como ""una infraestructura que define la identidá tradicional d'Asturies col llinguaxe del sieglu XXI"". Areces faló de un ""proyectu vivu, abiertu al esterior, con vocación didáctica y función esplicativa capaz d'amestar a los atractivos de la Comarca una dimensión económica y social nueva pa tol Valle""."