Principáu y productores promocionen la carne ecolóxica asturiana con una campaña de preba en puntos de venta

"Los consumidores asturianos van recibir información y obsequios amás de poder degustar carne ecolóxica asturiana en dellos puntos del Principáu, según anunció la Conseyería de Mediu Ambiente y Desarrollu Rural xunto al Conseyu de Producción Agraria Ecolóxica del Principáu (Copae), en rueda prensa esta mañana.

La campaña va entamar el 11 de payares y va realizase en centros d'Alimerka, Alcampo, Supercor, Hipercor y Carrefour. En pallabres de Carlos Nuño, xerente del Copae, preténdese con esta campaña ""nun sólo informar a los consumidores sinón que'l produtu s'afite nos puntos de venta"".

La carne ecolóxica asturiana va ser la protagonista nos tres primeros meses de la campaña anque se pretende promocionar los alimentos ecolóxicos asturianos en xeneral. 'De lo bono, lo meyor' ye'l nome de la iniciativa que quier ente otres coses ""destacar los beneficios pal consumidor d'alimentase con productos non tranxénicos"", según afirmó'l director xeneral de Ganadería y Agroalimentación, Enrique Rodríguez Nuño.

""La producción de carne ecolóxica n'Asturies sufrió un incrementu que xustifica que se realice esta campaña de promoción pa que'l consumidor asturianu conoza de primer mano lo que ye la producción de xata ecolóxica asturiana"", según aseguró Enrique Rodríguez Nuño demientres la rueda prensa. ""Y lo que son les sos cualidaes que la faen sobresalir dientro de la carne asturiana, polos beneficios qu'aporta a Asturies, tanto pal mediu ambiente como pal consumidor"", aseguró'l director xeneral d'Agroalimentación.

El presidente del Copae, Javier González, resaltó los ""beneficios medioambientales"", con menores emisiones de CO2, y gases d'efeutu ivernaderu, téuniques non contaminantes de producción que favorezan la biodiversidá y la sostenibilidá"", sumando a los ""beneficios sociales"" que se-y reconocen, tendencia a fixar la población, aumentu de la mano d'obra nel mundu rural, aumentu de les retribuciones pol trabayu, favorecer el comerciu xustu o la revolarización social de la cultura rural.

En pallabres del presidente del Copae, el productu ecolóxicu, más saludable, más baratu y recomendable polos sos beneficios pa la slaú qu'aconceyó en dos razones: ""carez de residuos tóxicos (pesticides, herbicides o otros productos químicos) y el productu ye de mayor calidá por tar producíu por métodos agrícoles"".

La cifra de ganaderos de vacunu incrementóse sobre l'añu anterior, doblando'l númberu de los que tán inscritos. Según los datos facilitaos por Enrique Rodríguez Nuño, aproximadamente 150.000 kilos de carne fueron sacrificaos esti añu, la cual consúmese na so totalidá dientro del territoriu asturianu.

El xerente del Copae Carlos Nuño, avanzó dalgunos de los posteriores productos que se pretenden incorporar a la campaña como los llecheros, mieles y sidra natural. Pela so parte, el director xeneral d'Agroalimentación informó del interés d'empreses de catering n'incorporar materies primes ecolóxiques a les sos comíes preparaes, potes, fabaes y tenera ente otros, pa centros comerciales de la Comunidá de Madrid.

La campaña informativa va tener un coste de 90.000 euros financiáu nun 48 por cientu pol Principáu d'Asturies."